Uganda Elections 2021 Results: Bobi Wine vs Yoweri Museveni - Electoral Commission tally centre results show Museveni in early lead but Robert Kyagulanyi declare imsef President-elect

Bobi Wine don reject di results of Uganda 14 January Presidential election and call himself di president-elect.

Bobi Wine wey be di opposition candidate wit real name as Robert Kyagulanyi say dis na di worst vote rigging in Uganda history.

Robert Kyagulanyi AKA Bobi Wine declare say di struggle just dey beginning. Im say im go address di press again in a few hours on di way forward.

Meanwhile military don surround Bobi Wine house.

[Uganda Elections 2021 Results] - 8:00 GMT 15/01/21 Update:

Uganda Elections 2021 Results: Yoweri Museveni in early lead

WIA DIS FOTO COME FROM, REUTERS

Uganda Election results show Museveni in early lead

Di Ugandan Electoral Commission, EC national tally Centre continue to release provisional results of yesterday Presidential election.

Results from 23.9% of all polling stations, show say President Museveni get a sizeable early lead for over 65 percent of di votes wey dem don so far.

Di closest na Bobi Wine, di main opposition leader wey don gada 23 percent.

Museveni get 1,536,205 votes (65.02%), while his main rival Robert Kyagulanyi, popularly known as Bobi Wine score 647,146 votes (27.39%) from 8,310 polling stations.

Bobi Wine dey claim widespread fraud and violence during Thursday election but e no give details of him accusations.